සිංහල කාව්‍ය රසාස්වාද

පරලොවට පණිවුඩයක් -ජී.එච් පෙරේරා

ළඟදි ඔය පලාතෙන් බැල්ම ලා මේ රටෙහී

උපදින අය ඇත්නම් කාරියක් මම් කියන්නම්

කලදි අපට කිව්වේ නෑ කියා ඊට පස්සේ

වැරදි කියනවාටයි කල්තියා මේ කියන්නේ

රට බොහොම අසාරයි,ඉන්නවුන්ගෙත් විකාරයි

පිට ඔපයට සූරයි,කම්මැලියි,බාරදූරයි

අට පහ නොම තේරෙයි,වල් සිරිත් පාර බේරයි

පිට රටට වදාරයි,කාපු දේවත් වමාරයි

අම්මා-මහගමසේකර.

ඔබා දෙදණ නිල උඳුපියලි බිම මත

වැන්දේය ඔහු බැති සිතින්

අම්මා වැලලූ තැන මහපොළොවට

පිපිලා තිබුණි එතැන සුදු පාටට

නමක් නොමැති පුංචි මලක්

සිම්බේ ය ඔහු එමල හිස නමා

දස මසක් කුස තුළෙහි දරා සිට

මා ලොවට වැදු අම්මා නුඹය

කෙළවරක් නොමැති දුක් දරා විඳ

මා ලොවට හැදූ අම්මා නුඹය